Llaethdy
Rydym yn arbenigwyr ar botelu llaeth ac wedi bod yn gwneud hynny ers blynyddoedd. Heddiw, rydym yn prosesu dros 12 miliwn litr o laeth y flwyddyn; cyfwerth a dros 600 o danceri! Mae ein llaethdy amryddawn yn cynhyrchu dewis eang o gynhyrchion ar gyfer dosbarthiadau manwerthu a bylc. Yn ogystal y ni yw un o’r cwmnïau cyntaf ym Mhrydain i bacio llaeth mewn bagiau, sydd wedi dylanwadu’n ffafriol ar ostwng gwastraff.
Mae safon y cynnyrch gorffenedig yn ddibynnol iawn ar safon y cynhwysyn crai. Yn gyson, cydnabyddir bod ein llaeth yn uwch na’r safon ganrannol genedlaethol, sydd wedi ei brofi dro ar ôl tro trwy gyda’n gwobrau di-ri.
Mae safon llaeth yn anhepgor, ond mae'n rhaid i ni hefyd sicrhau cysondeb ar gyfer ein cwsmeriaid, yn arbennig ein cytundeb mawr gyda rhwydwaith caffi cenedlaethol; wedi'r cyfan, mae'n rhaid iddynt fod yn sicr bod ewyn y capuccino yr un fath drwy gydol y flwyddyn! Mae ein haelodau o gymorth i ni gyda hyn ac yn lloea trwy gydol y flwyddyn er mwyn helpu i leihau brig tymhorol cynhyrchiant yn y Gwanwyn.
Mae Hufenfa De Arfon yn dosbarthu dewis eang o gynnyrch llaeth ei hun, a chynnyrch eraill, yn yr ardal leol trwy wasanaeth ein hetholfreintwyr. Maent yn dosbarthu i garreg drws dros 4000 cartref yng Ngogledd Gorllewin Cymru, ac yn gofalu bod ein cwsmeriaid lleol yn derbyn cynnyrch llaeth ffres, a gynhyrchir yn lleol, yn ddyddiol.
Ymwelwch â’r Rhestr Cynnyrch PDF er mwyn gweld rhestr lawn o’r dewis llaeth.
